Che daners na fan betg vegnir ventiraivel è ina da quellas remartgas spiertusas che para a blera glieud che na sa betg co pajar ses quints insumma betg spiertusa. Savens vegn respundida quella dumonda cun: gea, magari betg, ma daners san quietar.
La dumonda dals daners – ina dumonda centrala. Perquai na dastga la relaziun tranter daners e ventira betg mancar en la seria da stad da la Vita e cretta.
Co è uss quai cun quests daners, Damian Gliott?
Damian Gliott è administratur da facultad, lavura a Cuira, Turitg ed en ses home-office a Laax. El è in profi en chaussas raps e finanzas e la persuna ideala per vegnir a savair, sche daners fan fortuna.
Cun la dumonda tge che fortuna è per el, avrinsa svelt amez la discussiun:
En il discurs davart la relaziun tranter daners e fortuna maina il profi da finanzas dentant vinavant il artg – tar la fortuna dad esser naschì en la Svizra:
Cun nus vai bain. Nus vivain finanzialmain uschia, che nus na stuain betg far quitads da quai che succeda il proxim di. Er sch’igl è uschè in simpel pled, ma a la fin, sche la sanadad constat, lura constat crai la pli gronda part da la vita co che nus dastgain viver en Svizra.
