«La cuminanza è insatge che gida la glieud da restar cuntenta e fortunada», di la presidenta communala Nora Saratz Cazin en Vita e cretta. Ella crai che las vischnancas pon gidar da mantegnair la cuminanza e che lezza po sustegnair la ventira.
A mai fa la lavur politica fitg cuntenta. Per mai èsi ina lavur ch’ademplescha mai cun fitg bler gust e cun passiun.
Ina chaussa che plascha a Nora Saratz Cazin fitg bain vid la lavur politica è ch’ella è fitg diversa, ch’ins ha da far cun las pli differentas persunas ed x-differents temas. Ina da las pli bellas chaussas è – avant ch’ins chatta la soluziun – ils discurs e las discussiuns. Effect sin la ventira da la populaziun n’han dentant betg ils gronds projects, mabain las pitschnas prestaziuns vid la vita sociala, vid la cuminanza.
Passentar temps cun mes chars fa mai ventiraivla.
La gronda part dal temp liber passenta Nora Saratz Cazin cun sia famiglia. «Tge ch’jau fatsch fitg gugent è da pitturar cun mes uffants e da lavurar en iert. Quai è quels dus lieus ch’jau poss vegnir surengiu e ma focusar.»
La Vita e cretta dumonda: Tge fa ventiraivel?
Avrir la boxSerrar la box
Giasts en la seria da stad cun las dumondas filosoficas:
«Per la fin da l'onn da scola: Tge fa ventiraivel, Chantal Marti-Müller?», 29-06-2025
«Tge fa ventiraivel il musicist e cabarettist Flurin Caviezel?», 06-07-2025
«Placi Degonda, fa gidar autras persunas ventiraivel?», 13-07-2025
