L’onn 2025 sa fatschenta la vischnanca Alvra intensivamain cun la translocaziun pussaivla da la populaziun da Brinzauls.
Tenor ina retschertga publitgada abitassan 80% da las persunas dumandadas il pli gugent a Vazerouls, sch’i fiss necessari da midar definitivamain. Singuls pudessan era s'imaginar d'ir a Casti u Alvagni.
Cun agid da la Confederaziun planisescha la regenza grischuna da metter a disposiziun 50 milliuns francs per Brinzauls, sche la populaziun na po betg pli returnar en il vitg.
La situaziun per ils abitants e las abitantas da Brinzauls è vinavant precara. La stad passada ha il pur Giorgin Bonifazi suenter 19 emnas puspè pudì ir sin ses funs: «Igl è stà in bel mument, cura ch'jau hai puspè pudì turnar sin mes prads», ha ditg Giorgin Bonifazi.
La muntogna instabila sur Brinzauls vegn a far quitads anc blers onns. Pervia da la bova che sa ruschna è il terren malsegir, er la via chantunala tranter Surava e Casti sto vegnir segirada spezialmain. Il chantun ha investì questa stad circa in milliun francs en l’amplificaziun da 170 meters via.