Lumnezia cumbatta dapi ditg cun interrupziuns da l'electricitad, betg mo durant l'Open Air Lumnezia. Perquai ha l'interpresa responsabla per il provediment d'energia Repower planisà ina extensiun e renovaziun fundamentala da la rait electrica.
La rait d'electricad existenta en Lumnezia vegn adina dapli al limit da sias capacitads e da ses manaschi. Ils motivs èn la gronda extensiun geografica da la vallada, l'infrastructura creschida istoricamain sco er las pretensiuns a la rait da distribuziun, surtut perquai ch'i vegn furnì pli e pli savens implants solars. Vitiers vegn che grondas parts da la rait actuala consistan da conducts al liber ed èn sensiblas a l'aura. Urizis, chametgs, naiv u glatsch han chaschunà en il passà repetidamain disturbis ed interrupziuns dal provediment.
Per che la rait electrica en Lumnezia daventia pass per pass pli effizienta, pli robusta e cun main disturbis, vul la Repower prender pliras mesiras. Previs èsi tranter auter da remplazzar ils conducts en il liber tras cabels terresters, d'optimar la topologia da la rait sco er d'adattar e da renovar staziuns da transfurmaturs. Las emprimas lavurs han cumenzà l'onn 2023, la terminaziun dal project è planisada per l'onn 2030. Las investiziuns totalas muntan a var 10 milliuns francs.
Restructuraziun da conducts en il liber, amplificaziun cun cabels dal terren
En il rom da quel project vegnan disfatgs en Lumnezia en total circa 7 kilometers conducts libers cun 151 pitgas. A medem temp construescha la Repower circa 24 kilometers novs indrizs a cabel. Uschia na vegnia betg mo revalitada il maletg da la cuntrada, mabain er reducì il disturbi da la rait, meglierà la segirezza dal provediment e facilità la recepziun d'energia regenerabla producida decentralmain or d'implants solars.
-
Bild 1 von 6. Sin l'Alp Sogn Carli vegnan mess ils cabels electrics sut terra. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Sin las bobinas hai mintgamai 1 kilometer cabel da 16'000 volts. Bildquelle: RTR.
-
Bild 6 von 6. Bildquelle: Repower.
Grondas investiziuns en las raits electricas
La Repower di ch'ella investeschia cuntinuadamain en sias raits. Sulettamain l'onn 2025 sajan ids var 39 milliuns francs en la rait da distribuziun grischuna. Ma il basegn d'investiziun crescha perquai che adina dapli indrizs solars, vehichels electrics e pumpas da chalur vegnan integrads en il sistem d'energia, al medem temp ston vegnir amplifitgadas raits electricas digitalas.
Cun rinforzar la rait en Lumnezia vul la Repower far in pass impurtant per in provediment d'electricitad pli segir en il Grischun.
Lavurs actualas a Murissen
Actualmain vegn realisà in project parzial a Murissen. Quai pertutga la construcziun d'ina nova lingia da tensiun media sutterrana tranter la staziun da transfurmaziun Murissen Alp Sogn Carli ed il conduct a gronda tensiun Murissen Sogn Carli. Grazia a quests cabels po la Repower disfar pli tard il conduct en il liber existent tranter Murissen e Sogn Carli. La nova lingia da tensiun media è spezialmain impurtanta per il provediment da la Val Lumnezia: ella tutga tar in dals dus conducts principals per la vallada e proveda var 2'100 abitantas ed abitants.
Or da l'archiv: