Ils 8 da mars ha la populaziun da la vischnanca da Mustér da decider sch'ella vul dar il dretg da bajegiar al parc da moviment e sustegnair quel cun 1,75 milliuns francs.
Tge vegn bajegià?
A Mustér duai vegnir construì in nov parc da gieu e moviment indoor, che fiss avert durant l'entir onn. Quest parc vegniss er a cuntegnair in center d'acrobatica ed è previs sco attracziun unica per famiglias, uffants e giuvenils – spezialmain per temp da nausch'aura.
Tgi paja il project?
Ils custs da construcziun totals da 9 fin 10 milliuns francs vegnissan purtads da las Pendicularas Mustér SA. Las pendicularas fissan era responsablas per il manaschi dal parc e s'obligassan da tegnair avert quel durant almain 270 dis ad onn.
-
Bild 1 von 5. Visualisaziun dal parc da gieu e moviment. Bildquelle: Vischnaunca Mustér.
-
Bild 2 von 5. Visualisaziun dal parc da gieu e moviment. Bildquelle: Vischnaunca Mustér.
-
Bild 3 von 5. Visualisaziun dal parc da gieu e moviment. Bildquelle: Vischnaunca Mustér.
-
Bild 4 von 5. Visualisaziun dal parc da gieu e moviment. Bildquelle: Vischnaunca Mustér.
-
Bild 5 von 5. Visualisaziun dal parc da gieu e moviment. Bildquelle: Vischnaunca Mustér.
Quant custassi a la vischnanca?
La vischnanca da Mustér na sto betg emprestar daners novs per il project e na porta nagins ristgs finanzials. Ella desista be da la restituziun d'in debit existent da las Pendicularas Mustér SA en l'autezza da 1,75 milliuns francs.
Tge profit han ils indigens?
La populaziun da Mustér profitassia directamain da la nova offerta. Il parc vegnis integrà en l'uschenumnada «Golden Card». Sche la «Golden Card» na vegniss betg pli purschida en l'avegnir, survegnan ils abitants da Mustér in rabat da 50% sin ils pretschs d'entrada.
La vischnanca mettess a disposiziun il terren en dretg da construcziun. Per quai survegniss ella sur 30 onns in tschains annual (tschains da dretg da construcziun). Quai manass ad entradas da totalmain almain 203'448 francs per la vischnanca.