Siglir tar il cuntegn

Header

audio
Tge resta da trais emnas debatta?
Or da Actualitad dals 17.12.2021.
laschar ir. Durada: 3 minutas 30 Secundas.
cuntegn

Sessiun d'enviern L'ultima sessiun da l'onn è terminada

Tests d'antigen puspè gratuits per tuttas

Il parlament ha decidì che la Confederaziun duai puspè surpigliar ils custs per tests da corona. Tgi che vul sa laschar testar per pudair survegnir il certificat, po bainprest puspè far quai. Il Cussegl naziunal ed il Cussegl dals chantuns èn sa cunvegnids sin regulaziuns correspundentas. Dentant valia quai be per tests d'antigen e betg per ils tests da PCR.

Refurma AVS sut tetg

Tranter auter duai la vegliadetgna da pensiun per las dunnas s’augmentar da 64 sin 65 onns. Quest augment duai ir en vigur pass per pass aifer quatter onns. Tras questa mesira duai vegnir spargnà entaifer 10 onns 10 milliardas francs. Las emprimas nov annadas pertutgadas duain survegnir in supplement. En pli vegn la taglia sin la pli valur auzada.

Per las partidas da la sanestra è la refurma ina che vegn fatga sin il dies da las dunnas. In referendum è tant sco segir. Uschia che l'ultim pled vegn probabel il suveran ad avair.

Cussegl naziunal na sustegna betg l'inizitiva che vul finir l'allevament invensiv

Suenter ina lunga debatta ha la chombra gronda refusà l'iniziativa. L'iniziativa «Na a l'allevament intensiv en Svizra» vul limitar il dumber d'animals che dastga vegnir tegnids ensemen. Ella vul plinavant prescriver ch'ils animals pon passentar temp en il liber e ch'els vegnan mazzads a moda umana. Ils medems criteris duain era valair per animals e products d'animals importads. L'ordinaziun dal Cussegl federal duai s'orientar a las reglas da BioSuisse e per la realisaziun duain las puras ed ils purs avair temp 25 onns.

RTR actualitad 12:00

Artitgels legids il pli savens