Siglir tar il cuntegn

Header

cuntegn

Decider davart ovras solaras Set giadas Gea e quatter giadas Na fin uss

L'atun e l'enviern da l'onn 2022 èn stads marcads da la crisa d'energia. Ed ina dumonda era: Vegn la Svizra ad avair avunda electricitad? Ina consequenza da quest quità èn stadas las mesiras d'urgenza per il provediment d'electricitad l'enviern ch'il parlament ha decidì, numnà Solarexpress.

Cun il Solarexpress vul la Confederaziun promover tant pli spert grondas ovras solaras en il territori alpin. Per che las producentas d'electricitad possian bajegiar questas ovras solaras, ston ellas survegnir il consentiment da las vischnancas, pli precis da la populaziun. Uschia che l'onn 2023 è vegnì votà 10 giadas davart ovras solaras.

Cunquai che las ovras solaras stuessan esser vi da la rait enfin la fin dal 2025 e producir in tant electricitad per profitar da las subvenziuns federalas, èn las producentas d'electricitad sut squitsch. Tut sto ir spert, ina sfida era per las vischnancas, las votantas ed ils votants.

Set projects han superà las votaziuns, quatter betg

Las votaziuns èn in da plirs obstachels avant che grondas ovras alpinas pon vegnir realisadas en il territori alpin. Surmuntà quest obstachel han enfin ussa ils suandants projects:

Naufragi a l'urna u a la radunanza communala han ils suandants projects fatg:

Or da l'archiv:

video
Solarexpress – tgi gudogna, tgi perda?
Or da Cuntrasts dals 21.05.2023.
laschar ir. Durada: 26 minutas 2 Secundas.

RTR actualitad 17:00

Artitgels legids il pli savens