Lètg per tuts
- Il Cussegl naziunal ha approvà la midada da la lescha civila.
- Pèrs da dunnas duain survegnir access a donaziuns da sperma.
- En la votaziun generala han 132 parlamentaris ditg Gea, 53 Na, 13 èn s'abstegnids.
Revisiun da la lescha da CO2
Il Cussegl naziunal ha tractà la lescha da CO2. Tranter auter ha la chombra gronda decidì ina taxa sin bigliets da sgol, tranter 30 e 120 francs. Era il benzin pudess vegnir pli char. La lescha sto vegnir adattada per reducir las emissiuns e franar la midada dal clima uschè fitg sco pussaivel. Uschia duai era vegnir realisada la cunvegna da clima da Paris che ha sco finamira da guardar che la temperatura mundiala na crescha betg dapli che 1,5 enfin 2 grads.
Servetsch civil
Il project che vuleva far pli cumplitgada la midada dal militar en il servetsch civil, ha fatg naufragi en il Cussegl naziunal. Finamira dal project era, che l'armada na perdia betg tanta schuldada. Uss è la fatschenta giud maisa.
Return en la Chasa federala
La sessiun d'autun duai puspè avair lieu en la Chasa federala. Ils parlamentaris paran dad esser cuntents da quella decisiun. Guarda sez en il video.