Dus projects èn vi da la rait l'atun 2025 – Sedrun e Madrisa
- Tar l'ovra solara Scharinas (Sedrun Solar), Tujetsch han las lavurs da construcziun cumenzà mez avust 2024 sco prima ovra insumma en il rom dal Solarexpress. E dapi l'atun 2025 furnescha l'ovra energia en la rait. L'entira ovra duess esser a fin il 2028.
- Tar l'indiriz solar sur Claustra a Madrisa eri oriundamain previs d'installar 300 maisas fin la fin da 2025, quai che correspundess a 10% da l'entir project. Quai vegnia pli che cuntanschì, di il manader dal project da la Repower, Fabio Maurizio. Gia avant la fin settember stevan 500 maisas, e 3'000 moduls solars èn montads. Dapi lura furnescha l'ovra electricitad en la rait. Termin planisà da finiziun resta il 2027.
Nov projects han superà las votaziuns a l'urna
En pliras vischnancas vegn u è vegnì votà davart la realisaziun da las ovras grondas en il territori alpin. Quellas votaziuns èn l'emprim obstachel per pudair realisar questas ovras grondas. Ils abitants e las abitantas da la vischnanca nua ch'il project è planisà ston dir Gea a quel. L'onn 2023 è vegnì votà 10 giadas en differentas vischnancas davart ovras solaras. Surmuntà quest obstachel han ils suandants projects:
- Ovra solara sin il Vorab, Laax
- Ovra solara tranter plazza aviatica e Flaz, Samedan
- Ovra solara Scharinas, Tujetsch
- Ovra solara Nalps, Tujetsch
- Ovra solara Motta Naluns, Scuol
- Bernina Solar, Poschiavo
- Ovra solara Madrisa, Claustra
- Ovra solara Alp Magriel, Mustér
- Ovra solara en il territori da Parsenn, Tavau
Ils projects ch'han obtegnì in Gea tar las votaziuns vegnan en in proxim pass inoltrads tar la regenza. Vegn in project er approvà da la regenza dastga suenter 30 dis uffizialmain vegnir cumenzà cun la construcziun da l'ovra solara. Durant ils 30 dis èsi anc pussaivel da far recurs cunter il project.
Ils suandants projects han survegnì la lubientscha da la regenza grischuna:
- Ovra solara Scharinas, Tujetsch – qua han las lavurs da construcziun cumenzà mez avust sco prima ovra insumma en il rom dal Solarexpress e dapi dapi l'atun 2025 furnescha l'ovra energia en la rait.
- Ovra solara Madrisa sur Claustra – che producescha er energia dapi l'atun 2025.
- Ovra solara sin il Vorab, Laax
- Ovra solara Nalps, Tujetsch
- Ovra Magriel sur Mustér
Amez d'ina procedura da permissiun è:
- Ovra solara sin il Pass Bernina
In recurs è actualmain pendent tar:
En planisaziun èn ulteriurs projects ch'èn per part preschentads a la populaziun a sairadas d'infurmaziun, sur las medias ubain tras auters chanals da communicaziun.
Intginas ovras èn vegnidas evaluadas da vischnancas ed interpresas d'energia, n'èn dentant vegnidas smessas ord motivs finanzials u perquai che la resistenza da la populaziun è stada memia gronda.
- Ovra solara sin la «Präzer Höhi», Cazas
- Ovras solaras Alp Falätscha ed Alp da Tenna, Stussavgia
- Ovra solara sur Sufers
Quatter projects refusads
Quests projects èn vegnids refusads a l'urna u a la radunanza communala:
- Ovra solara Alp Run, Mustér
- Ovra solara Alp da Rueun, Glion
- Ovra solara Alp da Schnaus, Glion
- Ovra Solara Nandro, Surses